🌿 Tuinmaak in Suid Afrika : Aartappel-water vir jou plante

Vrydag 05 Februarie 2016

Aartappel-water vir jou plante

Hou die water waarin jy aartappels of pasta kook. Stysel-water moedig die grond aan om voedingstowwe af te skei. Maar moenie soutwater gebruik nie aangesien dit die plante skade kan doen.

Het jy geweet?

* Week ou koerante 'n paar uur lank in water en spit dan in jou tuingrond in vir bemesting. (Vanaf Groen Vingers se blog)

Giftige plante in jou tuin :
- Die selonsroos – of oleander – is een van die giftigste plante wat bekend is. En dit is ook een van die min plante waarvan alle bestanddele giftig is. Selfs as jy net een blaar kou, kan dit jou dood veroorsaak.

- Die blare van die rabarber (rhubarb) is giftig, maar die steel kan en word in kos gebruik.

- Die arum familie, wat die varkoor en olifantoor insluit, is giftig en as jou diere hieraan eet kan die keel toeswel en versmoring veroorsaak.

- Meeste gevalle van plantvergiftiging word deur die olieboom of stinkblaar veroorsaak. Die sade van hierdie plant word ook malpitte genoem, omdat hulle verskriklike hallusinasies veroorsaak.

- Plante wat naarheid veroorsaak, sluit in azaleas, olifantore, spinnekopblom, klimop en vingerhoedjies.

- Die saad van die broodboom kan dodelik wees en hierdie plante self is ook giftig.

Baie plante kan hulself voortplant deur die vorming van nuwe plante uit wortels, stingels en blare. Dis op dié gebied dat die groenvinger-mense so ’n slag het!

Het jy geweet tuiners kan ‘n noodsaaklike rol speel om die negatiewe uitwerking van klimaatverandering teen te werk?

Het jy geweet die lekker reuk van vars gesnyde gras is eintlik die reuk wat plante afskei wanneer hulle ly? Hier is die waarheid.

Ken jy die verskil tussen Hemp en Marijuana?

Omtrent my

Hallo, Ek is Maree Clarkson, Ek is ‘n waterverfskilder en baie lief vir die Natuur (wie is nie?!) en bly hier op die Noordkus van Suid Afrika. Ek is verlief op die lewe, hoenders, tuinmaak en inspirerende mense. Ek sê gereeld dankie vir alles, is baie vroeg op in die oggende en glo daaraan om te vergewe – dit vat gans te veel energie om kwaad te bly! :: Ek sit en drink tee in die oggende en skemertyd kom ek uit om te luister hoe die natuur reg maak vir die nag :: Wil jy nie asseblief by my aansluit nie? ::

Pages

Vrydag 05 Februarie 2016

Aartappel-water vir jou plante