Sunday, 23 August 2015

Lente en Aalwyne

 "Aalwyn" potloodskets en waterverf in my Tuin-joernaal - Maree (Aloe ferox) Bitter Aalwyn 

Die Lente is definitief hier. Die Aalwyne het pragtig geblom hierdie winter, en elke winter stel hulle my nooit teleur nie met hulle pragtige blomme wat hou tot diep in die lente. Hulle is waarlik 'n lewens-redder vir al die voëls na die dorre winter, veral die Swart Suikerbekkie (Black Sunbird), wat vroeg-winter al van die heerlike nektar gebruik maak. Ek het hierdie skets van een van my aalwyne verlede maand in my Tuin-joernaal gedoen nadat ek opgemerk het hoe die bye ook om die blomme saamdrom om te drink. Die plant verskaf die meeste nektar na einde-winter se kant toe.

Vroeg-winter en die aalwyne begin net blom

Middel-winter en almal is in volle blom

Einde-winter en die blomme is vet en vol nektar

Lente en die Aalwyne is nou vol saad, 'n ware bewys dat lente uiteindelik hier is!

::

.

2 comments:

  1. Ek wil graag weet hoekom net twee van my agt aalwynne blom
    Mev Annetjie Schoeman

    ReplyDelete
    Replies
    1. Hallo Annetjie, dis moeilik om jou vraag te beantwoord - ek weet nie watse aalwyne dit is of waar jy woon nie. Ook nie hoe oud hulle is nie. My A. ferox het eers begin blom nadat hulle so 5 jaar oud was. En dan hang dit ook af van hoeveel water en bemesting hulle kry en of hulle in skaduwee of vol son is. Jy kan dalk ook navraag doen by jou naaste tuinsentrum. Dankie vir die inloer en geniet jou dag!

      Delete

Related Posts Plugin for WordPress, Blogger...