Monday, 13 April 2015

Natuurbewaring



Jagters, wat is jul beleid?
Kry jul regtig nie spyt?
Om ons wild so af te maai?
Trofeë jagters laat net met horing en tande waai.

Ons velde word kaal gestroop,
van wilde diere wat het daar geloop.
Kyk na ons trotse sierlike Koedoe bul,
met horings wat na die hemel opkrul.

Ons groottand vlakvark, stert in die lug,
pragtig, maar wat vir sy lewe moet vlug.
Die sierlike gemsbok met sy swart-wit bles,
jagter se prooi, doodskoot of gekwes.

Ou Vlap-oor, ‘n pragberg van ‘n olifant
die trofeë jagter skiet hom net vir ‘n tand.
Stadig stap ons ou Kraagmannetjie leeu,
wat, spaar my! met sy donderbrul skreeu.

Kalahari-springbok wat kromrug pronk,
sê jul kinders geniet ons al’s hul nog jonk.
Ja jy, wie se geld jou pla,
ons diere vra net vir jou gena.

Skenk eerder geld vir bewaring,
en bring jou uitroei hart tot bedaring.
Dankie vir jou reuse aandeel,
dat ons ook vir jou nageslag kan aanteel.
- Onbekend

::

No comments:

Post a Comment

Related Posts Plugin for WordPress, Blogger...